Neyðugt at søkja umaftur

Starvið sum skúlastjóri í Skúlanum á Fløtum er tí lýst leyst av nýggjum. Upprunaliga umsóknarfreistin var úti mánadagin í síðstu viku, og tá ið avtornaði, komu 10 umsóknir inn.

Í starvslýsingini stendur, at hevur tú hugsjónir um skúlamenning og áhuga og hegni at átaka tær leiðslustarv í føroyska fólkaskúlanum, so hevur tú møguleika at søkja starvið sum skúlastjóri í Skúlanum á Fløtum.

Skúlin á Fløtum fatar um samanløgdu skúlarnar Tórshavnar kommunuskúla og Venjingarskúlan, sum vórðu lagdir saman 1. januar 2015. Evsta mark, at søkja starvið, er 5. juli.