Viðgera enn kæruna

Heilsumálaráðið er framvegis ikki liðugt at viðgera kæruna, sum ljósmøðurnar á Landssjúkrahúsinum sendu Heilsumálaráðnum 15. apríl.

Turið Arge, aðalstjóri í Heilsumálaráðnum, sigur, at tey miða eftir at verða liðug at viðgera kæruna áðrenn summarfrítíðina.

Heilsumálaráðið er vanliga í summarfrí frá miðskeiðis í juli og tríggjar vikur fram. Ljósmøðurnar hava kært leiðsluna á Landssjúkrahúsinum til Heilsumálaráðið.