40 hvalir løgdu beinini

Grindin, sum varð hildin til í Tjørnuvík um middagsleitið í dag var 40 hval. Hvalirnir eru sleipaðir til Eiðis, har skorið verður upp.

Býtt verður í drápspartar, sigur Jacob Vestergaard, sýslumaður, við útvarpið. Hvalirnir verða í løtuni merktir, og enn ber ikki til at siga, nær seðlarnir koma út.

Ein bátur, ið var staddur 16 fjórðingar úr Eiðiskolli, boðaði frá grindini í morgun.