Kommunan missir eina millión av eldinum

Eldurin í Varðanum Pelagic 9.juni ger, at Tvøroyrar kommuna missir eina stíva millión í skatti og havnargjøldum í ár.

Ein meting um inntøkurnar hjá 59 skattgjaldarum á Tvøroyri, sum arbeiddu á Varðanum Pelagic, vísir, at kommunan missir eina millión krónur í skatti í ár.

Tað er munurin millum tað, sum fólk høvdu fingið, um tey framvegis arbeiddu á Varðanum Pelagic, og tað, tey fáa frá ALS.  

Kommunan missir eisini havnargjøld, tí skip koma ikki á Tvøroyri við fiski og eftir fiski.

Her er missurin hjá kommununi ikki so stórur, tí ein partur av bryggjuni á Tvøroyri er privatur.