- Tíðindi, mentan og ítróttur
Loyvi skal til at flyta seyð millum oyggjarnar
Loyvi skal til at flyta seyð millum oyggjarnar
Heilsufrøðiliga minnir á reglurnar um seyðasjúkuna ridluskriða, sum er staðfest í trimum oyggjum í Føroyum
Ridluskriði er ólekjandi. Hann setur seg í heilan hjá seyði. Seyðurin verður rillutur, fær illa gingið og dettur. Eisini hevur seyðurin herviligan kláa.
07.09.2017 - 07:27
Tey, sum ætla at flyta seyð millum oyggjar, skulu hava loyvi til tess.
Heilsufrøðiliga starvsstovan ger aftur vart við galdandi reglur um seyðasjúkuna ridluskriða.
Heilsufrøðiliga starvsstovan skal geva loyvi í hvørjum einstøkum føri. Loyvið kostar 170,00 kr.
Ridluskriði er staðfestur í trimum oyggjum, Streymoynni, Eysturoynni og Fugloynni.
Og ikki er loyvt at flyta seyð úr teimum trimum oyggjunum í oyggjar, har sum ridluskriði ikki er funnin.
Á heimasíðuni hfs.fo er nógv meira um ridluskriðan og reglurnar, sum eru galdandi um sjúkuna og seyðaflutning.
Er kopiera
Nýggjastu sendingar í ÚV
Nýggjastu sendingar í SV
