Vinnunevndin vil hoyra øll eina ferð afturat

Innkallingarnar í sambandi við nýskipanina av fiskivinnuni verða lidnar í næstu viku.

Annað enn tað vil nýggja forkvinnan í Vinnunevndini hjá løgtinginum, Bjørt Samuelsen, ikki siga um tíðarætlanina hjá nevndini, sum viðger uppskotið hjá Høgna Hoydal, landsstýrismanni, um fiskivinnunýskipanina, sum skal koma í gildi á nýggjárinum.

Nevndin hevði fund fyrrapartin í gjár. Hon hevur fund aftur í morgin, fríggjadagin, mánadagin og týsdagin.

Nógvar innkallingar

21 innkallingar eru sendar út til teir fundirnar.

Tey, sum nevndin vil hoyra nú, vóru eisini á fundi við nevndina fyrru ferð, hon viðgjørdi uppskotið um fiskivinnunýskipan.  

Bjørt Samuelsen sigur, at neyðugt er at hoyra allar partar aftur, tí uppskotið, sum nú er í tinginum, er nógv broytt samanborið við fyrra uppskotið.