Landssjúkrahúsið slítur samstarv við skurðlækna

Læknastjórin á Landssjúkrahúsinum, Johan Jansson, váttar, at samstarvið við íslendska læknan, Krístján Skúla Ásgeirsson, heldur uppat sum frá líður.

Krístján Skúli Ásgeirsson er bróstskurðlækni og hevur viðgjørt nógvar kvinnur í Føroyum fyri bróstkrabba.

Jan Jansson sigur, at Kristján Skúli Ásgeirsson heldur tó fram at viðgera teir sjúklingar, sum hann hevur her, til tann viðgerðin er liðug.

Jan Jansson sigur, at nú er gongdin tann, at Landssjúkrahúsið meira og meira hevur samstarv við stór universitetssjúkrahús uttanlands, fyrst og fremst í Danmark, tí læknarnir gera seg meira og meira serkønar í ávísum parti av sjúkum.

Krístján Skúli Ásgeirsson hevur arbeitt fyri Landssjúkrahúsið í átta ár.

Hann hevur saman við øðrum læknum eina privata viðgerðarstovu í Reykjavík. 

Landssjúkrahúsið hevur kunnað Krabbameinsfelagið um støðuna.

Hjá Krabbameinsfelagnum ræður fyrst og fremst um, at sjúklingarnir fáa ein góða viðgerð og kenna seg tryggar, sigur forkvinnan í felagnum, Durita Tausen.