- Tíðindi, mentan og ítróttur
Hægstirættur hjálpir Trump
Hægstirættur hjálpir Trump
Hægstirættur í USA hevur gjørt av, at innferðarbannið, sum Donald Trump, forseti setti fyri fólk úr nøkrum londum, kann setast í gildi
05.12.2017 - 10:03
Donald Trump, forseti, hevur sagt, at tað er fyri at verja USA, at hann ikki vil hava fólk úr seks londum at koma til USA.
Sjey av dómarunum atkvøddu fyri uppskotinum og tveir ímóti. Eftir avgerðini hjá hægstarætti kann forboðið setast í verk.
Seks lond undir forboð
Tey seks londini sum koma undir forboðið eru: Iran, Libya, Sýria, Yemen, Somalia og Tchad.
Talan er um lond, sum Donald Trump ikki hevur álit á.
Forboðið hevur verið leingi ávegis, tí vanligir dómstólar hava forðað fyri, at tað varð sett í verk.
Tað, sum nú verður sett í gildi, eru eini boð frá forsetanum 24. september.
Er kopiera
Nýggjastu sendingar í ÚV
Nýggjastu sendingar í SV
