Strandarlondini samd um heildarveiðuna, ikki býtið

Strandarlondini eru vorðin samd um, hvussu nógv sild og hvussu nógvur svartkjaftur kann fiskast næsta ár. 

Men londini eru framvegis ikki samd um, hvussu heildarkvotan skal býtast millum londini.

Londini eru samd um, at 435.000 tons av sild kunnu fiskast. 

Tað eru 51.000 tons meira enn ICES mælir til í sínum endurskoðaða tilmæli, sum er góð 160.000 tons minni enn fyrra tilmælið hjá fiskifrøðingunum í ICES var. 

Men londini hildu seg til tilmælið hjá ICES um svartkjaft. Tað er ein millión og 388.000 tons.