Granskingarpengar játtaðir

Katrin Eivindardóttir Danielsen hevur fingið 953.000 kr. til verkætlan á Landssjúkrahúsinum við heitinum “Fyribyrging av hjartasjúkum við neyvari skreening av nýføðingum”.

Maria Skaalum Petersen hevur fingið eina millión og 120.000 kr. til ph.d.-verkætlan á Fróðskaparsetrinum við heitinum “Kortlegging og greining av krabbameinstilburðum í Føroyum”.

Játtanirnar eru latnar av fænum hjá niðurløgdu sjúkrakassunum. Høvuðsøki 2 fevnir um gransking og menning á heilsuøkinum í Føroyum.

Sjey umsóknir

Játtanirnar vórðu latnar eftir tilmæli frá faknevndini, sum er sett at meta um umsóknir um stuðul frá Sjúkrakassagrunninum.

Eitt krav fyri at fáa stuðul er, at tað verður mett sannlíkt, at verkætlanin kann menna heilsuøkið í Føroyum. Tað komu sjey umsóknir inn í hesum umfarinum, men rúm var bara fyri at játta pening til tvær verkætlanir.

Umleið 12 milliónir kr. vórðu settar av til Høvuðsøki 2 í 2014. Við hesum er játtaður stuðul til í alt 16 verkætlanir í Føroyum. 

Nú verður ein steðgur í stuðlinum frá hesum økinum.

Søkja aftur í 2019

Sambært leiðreglunum skulu inntøkurnar frá søluni av bygninginum hjá Havnar Sjúkrakassa eisini brúkast til stuðul. 

Tað verður ikki fyrr enn eftir 1. apríl 2019, tá freistin fyri at seta fram krøv ímóti avtiknu sjúkrakassunum er farin.

Er einki krav komið, verður øll inntøkan frá søluni býtt út á tey trý høvuðsøkini. 

Sannlíkt verða góðar 2 milliardir krónur tøkar at søkja í 2019, upplýsir Granskingarráðið.