- Tíðindi, mentan og ítróttur
Sviar hækka pensjónsaldur
Sviar hækka pensjónsaldur
Sviar noyðast at vera longur á arbeiðsmarknaðinum, eftir at teir seks flokkarnir í ríkisdegnum eru komnir ásamt um eina nýggja pensjónsnýskipan
![](https://kvf.fo/sites/default/files/styles/grein-ovasta-mynd/public/7a28d99917a8a905643a6e0fd9e8d298.png?itok=eqfIt2Jp)
14.12.2017 - 16:14
Pensjónsaldurin hækkar í fleiri stigum hetta til 2016.
Eftir galdandi lóg ber til at fara frá við pensjón sum 61 ára gamal. Um níggju ár verður pensjónsaldurin 64 ár, skrivar Dagens Nyheter.
Síðani skal pensjónsaldurin fylgja gongdini í væntaða livialdrinum, og tí kann pensjónsaldurin hækka uppaftur meira, skrivar svenska tíðindastovan, TT.
Svenska kringvarpið, SVT, skrivar, at neyðugt er at hava fólk longur á arbeiðsmarknaðinum, tí talið á pensjónistum veksur.
Miðal pensjónsaldurin í Svøríki er í løtuni 64,5 ár.
Teir seks flokkarnir, sum hava gjørt semju um pensjónsnýskipanina, eru Sosialdemokratarnir og Umhvørvisflokkurin, sum sita í stjórn, Kristnudemokratarnir, Liberali flokkurin og Miðflokkurin.
Nýggjastu sendingar í ÚV
Nýggjastu sendingar í SV