25 færri persónbilar í fjør

Tilsamans vórðu fleiri nýggj akfør innflutt í fjør enn í fyrraárið, men færri nýggir persónbilar vórðu skrásettir í fjør, vísa tøl hjá Akstovuni.

Í 2017 vórðu skrásett tilsamans 2767 nýggj akfør. Tað eru 62 fleiri enn í fyrraárið. Vøksturin er 2,3 prosent.

1951 nýggir persónbilar vórðu skrásettir í fjør, 25 færri enn í 2016. 

Í desember í fjør vórðu tilsamans 141 nýggir persónbilar skrásettir, seks fleiri enn í desember i fyrraárið. 

Mest selda bilmerki í fjør var Volkswagen. Bilasølan seldi 328 VW bilar í fjør.

Toyota var á øðrum plássi. Reyni Service seldi 301 Toyotabil, og Waag-bilar seldu 262 Citroen í fjør.

270 brúkt akfør vórðu innflutt í fjør, 48 fleiri enn í fyrraárið, vísa tølini hjá Akstovuni.