Skula kanska rópa varskó til Landsgrannskoðaran

Formansskapurin hevur viðgjørt ein fyrispurning frá Fíggjarmálaráðnum, um varskógvaraskipanin kann vera hjá Landsgrannskoðanini.

Eingin niðurstøða er tó gjørd, sigur løgtingsformaðurin, Páll á Reynatúgvu.

Landsgrannskoðanin er undir løgtinginum og óheft av almennu fyrisitingini.

Ein fyrimunur við at lata Landsgrannskoðanina hava varskógvaraskipanina er, at so slepst undan innliti. 

Whistle blowing

Fólk kunnu varskógva uttan at vera í vanda fyri, at navn teirra verður alment, tí onkur biður um innlit, sigur Páll á Reynatúgvu.   

Fíggjarmálaráðið er komið langt við einum lógaruppskoti um varskógvaraskipan fyri tað almenna.

Endamálið er, at almenn starvsfólk óttaleys fyri avleiðingum kunnu boða frá skeivleikum á arbeiðsplássinum.

Tjóðveldi hevði uppskot um varskógvaraskipan, tá flokkurin var í andstøðu í 2014. Men tað uppskotið fall.