Russiskt ferðafólkaflogfar dottið niður

Flogfarið var á veg úr Moskva til Orsk, tá tað hvarv av radaranum, nærhendis býin Argunovo.

Tað er ikki greitt, hví flogfarið datt niður. Men fólk halda seg hava sæð, at eldur var í flogfarinum, tá tað datt niður, skriva fleiri altjóða miðlar.

Russiskir myndugleikar eru komnir framat vrakinum og fara nú at kanna, hvat hendi.

65 ferðafólk vóru við umborð, umframt manningina, sum taldi seks fólk. Eingin slapp frá vanlukkuni við lívinum.