33 umsóknir til granskingarstuðul

7,5 mió. kr. eru tøkar til stuðul í 2018.

Umsóknartalið hevur seinnu árini ligið úr sløkum 30 upp í nærum 50. 

Vanligt er at játta stuðul til tíggju umsóknir. 

Hvørt ár eru fleiri sera væl skikkaðar umsóknir, sum ikki fáa stuðul, tí ov fáir pengar eru at lata, sigur Granskingarráðið.

Nú verður farið undir at kanna umsóknirnar fyri at vita, um tær lúka formligu treytirnar. 

Síðani skulu ráðgevar finnast, sum fara at meta um vísindaligu góðskuna í umsóknunum. 

Endaliga viðgerðin er vanliga í mai, so umsøkjararnir kunnu vænta sær svar í seinasta lagi 1.juni.