Avtaka uppboðssølur

At útluta veiðirættindi gjøgnum uppboðssølu skapar ótryggleika í vinnuni, sigur Fólkaflokkurin.

- At kalla øll vinnan hevur í hoyringarskrivum og undir hoyringum í Vinnunevndini gjørt vart við, at uppboðssøla av veiðirættindum er stórt afturstig í tí stóru menning, sum vit seinastu árini hava sæð í fiskivinnuni, síðani seinasta samgonga hækkaði uppsjóvarkvotupartin munandi, sigur Fólkaflokkurin í viðmerkingunum til lógaruppskotið.

Flokkurin sigur eisini, at uppboðssøla fær reiðarí at aftra seg við at gera stórar íløgur í nýggj og framkomin skip.