Europa roynir at verja Iran-avtaluna

Nógv diplomatiskt virksemi er í Europa, nú roynt verður at bjarga kjarnorkuavtaluni við Iran. 

Hetta hendir, eftir at amerikanski forsetin fyrr í vikuni tók USA burtur úr avtaluni og boðaði frá, at strong fíggjarlig revsitiltøk aftur verða sett í verk móti Iran.

Angela Merkel, samveldiskanslari, hevur tosað við russiska forsetan, Vladimir Putin, og bretski forsætisráðharrin, Theresa May, hevur verið í sambandi við Donald Trump, forseta, um støðuna.

BBC skrivar, at franskir ráðharrar hava verið sera hvassir í sínum almennu atginningum móti avgerðini hjá USA, sum sambært teimum fer at svíða illa hjá stórum europeiskum fyritøkum, nú amerikanska handilsbannið móti Iran verður sett í gildi aftur.

Donald Trump hevur boðað frá, at revsitiltøkini verða sett í verk í tveimum stigum, fyrst í august og síðani í november.