Issehoved hevði ov nógv ferðafólk

Tvíkiljan Issehoved hevði ov nógv ferðafólk, tá hon kom úr Nólsoy í gjárkvøldið, skrivar Vágaportalurin.

Vakthavandi á politistøðini í Havn sigur við útvarpið í morgun, at eitt ferðafólk kendi seg ótrygt, tí so nógv ferðafólk vórðu við, og boðaði løgregluni frá.

Løgreglan stóð fyri Issehoved, tá tvíkiljan kom á Havnina, og fór umborð at gera kanningar. 

Tað vísti seg, at 114 ferðafólk vóru við, men Issehoved hevur bara loyvi at flyta 98 ferðafólk í senn.

Tá ferðafólk og manning vórðu avhoyrd, avgjørdi løgreglan at skuldseta skiparan fyri at hava flutt fleiri fólk enn loyvt.

Eftir at avhoyringar av ferðafólki og manning høvdu verið, var avgjørt at skuldseta skiparan.