Vilja hava Skotlandsleiðina aftur

29.05.2018 - 09:20
AktueltSamfelag
Vilja hava Skotlandsleiðina aftur
Ferðafólkasigling millum Føroya og Skotlands eigur at verða tikin uppaftur. Tað halda kommunurnar í Suðuroynni.
 

Kommunurnar í Suðuroy eru á einum máli um, at farast skal undir at kanna møguleikarnir fyri at taka uppaftur sigling millum Suðuroynna og Skotlands. 

Mælt verður til alt fyri eitt at kalla inn til fundar millum Samferðslumálaráðið, Strandfaraskip Landsins og kommunurnar í Suðuroynni um Skotlandsleiðina. 

Hetta er eitt av tilmælunum hjá kommununum í Suðuroynni, sum vórðu løgd fyri landsstýrið í gjár. 

Hendan farleið var ein týðandi farleið fyri vinnulívið í Suðuroynni, bæði í samband við útflutning og innflutning.

Fasta ferðasambandið til Skotlands var eisini ein nógv brúkt leið hjá ferðafólki, sum valdu Skotland og Stóra Bretland sum ferðamál, siga kommunurnar. 

Lítið er at ivast í, at hendan leiðin framvegis er sera áhugaverd leið hjá vinnulívinum í Suðuroynni, bæði hjá útflutningsvinnuni og í sambandi við innflutning. 

Í ferðavinnuhøpi er farleiðin millum Skotlands og Suðuroynna/Føroyar eisini sera áhugaverd, siga kommunurnar í Suðuroynni. 

 
Nýggjastu sendingar í ÚV
Mánadag 18. november
Tóta og Rasmus eru gestir í Dansivali
101195
Mánadag 18. november
Norðurljóð 18.november 2019
100908
Mánadag 18. november
Morgunlesturin mánamorgunin 18.november 2019
101105
Mánadag 18. november
TEMPAPLÁTAN: Mike & The Mechanics, 1985
101165
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878