G7-toppfundur í morgin

Fundurin byrjar í morgin og endar sunnudagin.

Fleiri spurningar skulu viðgerast á fundinum, - eitt nú revsitollurin, sum USA fer at leggja á stál og aluminium. 

Frakland, Italia, Týskland, Bretland, Japan, Kanada og USA manna G7-bólkin, sum hittist hvørt ár.

Í síðstu viku funnust seks at limalondunum í G7 hvassliga at sjeynda landinum í bólkinum, USA, fyri avgerðina at leggja revsitoll á stál og aluminium. 

Á skránni fyri fundin eru altjóða búskaparvøkstur, friðarspurningar og umhvørvisspurningar. Eisini javnstøða og rættindi hjá kvinnum eru á skránni í ár, og hava eisini verið tað á seinastu fundunum. 

Yvirgangur var eitt av evnunum á seinasta fundi, og tað verður væntandi viðgjørt leygardagin.

Tað er sjáldan, at G7-fundin ger ítøkiligar og bindandi niðurstøður, sum limalondini skulu halda. Heldur tosa tey ofta um mál og leiðreglur fyri, hvussu samstarvast kann á ymsu økjunum.

Umframt ríksileiðarar frá G7-bólkinum eru eisini umboð fyri ES-lond við á fundinum.