Besta úrslit nakrantíð

Vípan úr Støkk var í dag í HM-finaluni í estetiskum fimleiki í Budapest í Ungarn.

Fimm føroysk lið luttóku í innleiðandi umførunum, sum vóru í gjár. Tað var tó bara Vípan, sum kom víðari til finaluna, sum var fyrrapartin í dag.

Fyri framførsluna í dag fekk Vípan 15,55 stig. Hetta er samstundis besta úrslit, sum eitt føroyskt kvinnuunglingalið hevur fingið í HM-kapping higartil, skrivar Fimleikafelagið Støkk.

Við flotta avrikinum endaði Vípan nummar 10 út av 14 luttakandi liðum.