Vípan í HM-finalu

Í hesum døgum er HM í estetiskum fimleiki í Budapest í Ungarn. Í gjár vóru innleiðandi umfør, og fimm føroysk lið vóru við í kappingini. 

Tað var tó einans kvinnunglingarnar úr Vípuni, sum megnaður at koma víðari til finaluna í dag.

14 lið komu víðari í gjár, og Vípan er við sum nummar 10.

Antton Laine hevur gjørt seriuna hjá Vípuni, og serian var eisini kosin ársins seria til Fimleikagalla 2018.

Úrslitini í gjár gjørdust hesi: 

Kvinnuunglingar: Vípan úr Støkk 14,9 stig. Eina úr HF 14,2 stig og Nora úr HF 14,05 stig.
Kvinnur: Hydra úr Ljósinum 15,5 stig og Hulda úr HF 14,7 stig.

Finalan byrjaði klokkan 10. Kappingin verður stroymd beinleiðis á netinum, leinkjan er her.

Gev tó gætur um, at tað ikki er Kringvarpið, sum stroymir kappingina. Stroymingin opnar tí í nýggjum vindeyga.