Eitt ár síðani flóðalda rakti Uummannaq

Í dag er eitt ár síðan, at ein stór flóðalda rakti Uummannaq í Grønlandi. Fýra fólk doyðu í hendingini og 174 gjørdust heimleys

Í Uummmannaq verður skipað fyri minningarhaldum allan dagin. Millum annað verður minningarguðstænasta í kirkjuni í Uuummannaq klokkan 10 lokala tíð. Tað skrivar KNR.

Aftaná verður ein minnisskrúðgonga til teir báðar kirkjugarðarnar í økinum, har kransur verður lagdur við minnismerkið yvir tey fýra, sum doyðu í flóðalduni í bygdini Nuugaatsiaq.

Landsstýrisformaðurin, Kim Kielsen og landsstýrismaðurin fyri samferðslu og bústaðir, Simon Simonsen, luttaka eisini á minningardegnum í Uummannaq.

Flóðaldan í Uummannaq økinum er ein tann størsta nátúruvanlukkan í Grønlandi nakrantíð.