Jarðskjálvti í Japan kravt trý mannalív

Jarðskjálvtin varð máldur til 6,1 á Richter-stiganum. Jarðskjálvtin var um fimm tíðina í morgun, okkara tíð.

Myndugleikarnir siga, at ein 84 ára gamal maður doyði heima við hús, og ein níggju ára gomul genta doyði, tá hon var á veg í skúla, og ein veggur datt á hana. 

Meira enn 170.000 fólk hava mist streymin, og almenna ferðslan í býnum koyrir ikki.

Jarðskjálvtin var um átta tíðina, japanska tíð, tá fólk vóru á veg til arbeiðis. 

Fyrst varð boðað frá, at skjálvtin varð máldur til 5,9 á Ricther-stiganum, men seinni varð hetta broytt til 6,1.

Japanski forsætisráðharrin, Shinzo Abe, sigur, at trygdin hjá borgarunum í Osaka verður raðfest fremst.