Grikkaland ikki í kreppu longur

Men enn er helst ov tíðliga at siga, at grikska kreppan er av, sigur Las Olsen, leiðandi búskaparfrøðingur í Danske Bank.

- Tørvur er framvegis á at endurreisa búskapin, og Grikkaland hevur framvegis tørv á vælvild frá Evropa. Grikkaland hevur sjálvt gjørt nógv fyri at koma úr kreppuni, og tað er nýggja avtalan viðurkenning um, sigur Las Olsen við Ritzau.

Grikkaland sleppur at útseta afturberingina av nærum 100 milliardum evrum, sum landið skyldar. Samstundis fáa grikkar 15 milliardir evrur í búskaparligari innspræning.

Tað skal styrkja búskapin, so at landið kann fóta sær undir vanligum umstøðum.

Grikkaland hevur síðani 2010 fingið 275 milliardir evrur í búskaparligum stuðli í trimum lánsætlanum.

Landið hevur verið um at fara á húsagang fleiri ferðir, og sum fyrsta land í heiminum var Grikkaland í vanda fyri at verða tveitt úr evrupsamstarvinum, skrivar Ritzau.

Afturfyri stuðulin hevur landið bundið seg til at fremja stórar sparingar, og tað hevur elvt til stórar mótmælisgongur.