Skipasmiðjan ger bústaðir á Skála til starsvfólk

Partafelagið Mest hevur fingið byggiloyvi til 48 búpláss á Skála. 

Skipasmiðjan Mest søkti um byggiloyvi til at seta upp búeindir við sjóvarmálan sunnan fyri vegin, sum eitur Bryggjan, á Skála.

Á fundi í síðstu viku samtykti býráðið í Runavík at geva byggiloyvið, og Mest hevur fingið loyvið í dag.

Mest ætlar at innflyta bústaðir og seta teir upp á Skála til starvsfólk hjá skipasmiðjuni og útlendingar, sum koma til Føroya at arbeiða hjá Mest, millum annað undirveitarar. 

Sum skjótast

Mouritz Mohr, stjóri á Mest, sigur, at ætlanin er sum skjótast at seta upp búplássini. 

Tey skulu setast upp á teimum 600 fermetrunum, sum skulu leigast frá Runavíkar kommunu.

Um eitt ár kemur skrokkurin til havrannsóknarskipið til Føroya. Skipið skal síðani gerast liðugt á Skála.

Skrokkurin verður bygdur í Litava.