Havnin nærkast helvtini av fólkatalinum

Tað hevur kommunan sjálv roknað út við nýggjastu tølunum hjá Hagstovuni sum keldu.

Sambært hesum tølum búðu 50.927 fólk í Føroyum 1. juni, og nú er fólkatalið farið upp um 51.000, sigur Tórshavnar kommuna.

Fólkatalið í Tórshavnar kommunu er vaksið 1,8 % seinasta árið. 

Í teimum størstu kommununum í Føroyum er lutfalsligi vøksturin størstur í Tórshavnar kommunu, hann er 1,9 % frá 1. juni í fjør til 1. juni í ár.

Og hetta er fyrstu ferð, at fólkatalið í Tórshavnar kommunu er oman fyri 42 % av fólkatalinum í Føroyum.

Tað er 42,019 prosent, skrivar kommunan á heimasíðuni hjá sær.