Amerikanskt felag selt sín lut í Eimskip

Amerikanska íløgufelagið Yucaipa Companies hevur selt sín fjórðing í flutningsfelagnum Eimskip fyri 660 milliónir krónur ella fyri 11 milliardir íslendskar.

Boðað varð frá søluni í íslendska keypsskálanum í gjárkvøldið. Ikki verður sagt, hvør hevur keypt partabrøvini hjá Yucaipa Companies.

Yucaipa Companies, sum var størsti partaeigarin í Eimskip, boðaði frá í november í fjør, at felagið umhugsaði at selja lut síni í Eimskip.

Tá átti felagið 32 % í Eimskipi, men seldi 7 % burturav til ein íslendskan eftirlønargrunn. Tað var í 2012. 

Yucaipa Companies hevur nú selt tey 25 %, sum amerikanska íløgufelagið átti eftir í íslendska flutningsfelagnum.