Hitabylgja kravt fleiri mannalív

Í minsta lagi 50 fólk hava latið lív í Japan og Suðurkorea í hitabylgjuni, ið er í økinum í løtuni. Tað sigur DR.

Í dag setti hitin met, tá tey máldu 41,1 hitastig í býnum Kumagaya norðan fyri høvuðsstaðnin Tokyo. Hitin er máldur síðani 1896.

Hitin í Tokyo verður væntandi 37 hitastig í dag.

Í Suðurkorea er eisini heitt. Í morgun var hitin í býnum Gangneung 31 hitastig, tá tað var kaldast. Í høvuðsstaðnum Seoul fer hitin ikki undir 29 stig.