Sigmund lagdur

Ein stór klassing, sum er fyri framman, tilmælið frá ICES um mest loyvda fiskiskapin eftir toski og hýsu næsta ár og kvotur í staðin fyri fiskidagar í 2019 gera, at línuskipið Sigmund verður lagt tann 1. oktober.

Manningin, 15 mans, er uppsøgd.

Partafelagið Framherji í Fuglafirði eigur felagið Regn, sum hevur línuskipini Stapan og Skøruna, og Eysturoy, sum eigur Eysturoying, Mascot og Sigmund.

Mascot er leigaður til royndarveiðu eftir krabba, Eysturoyingur hevur ligið í nógv ár, og 1. oktober verður Sigmund lagdur.

Kvoturnar, sum reiðariini fáa næsta ár, eru ikki nóg stórar til trý skip, sigur Anfinnur Olsen, eigari, og tí verður Sigmund lagdur.

Stapin og Skørin halda fram at fiska.