Borgarstjórar vilja byggja leigubústaðir

bannari
27.07.2018 - 10:33
AktueltSamfelag
Borgarstjórar vilja byggja leigubústaðir
Hús standa tóm, og fólk vilja heldur leiga til ferðafólk. Tí vilja borgarstjórar nú sleppa at byggja leigubúðstaðir.
Jógvan Skorheim, borgarstjóri í Klaksvík, heldur, at kommunurnar skulu hava heimildir til at byggja fleiri leigubústaðir.
Mynd: © Savnsmynd  
 

Dennis Holm, borgarstjóri í Vági, heldur, at tað er trupul støða, tá nógv hús í Vágs kommunu standa tóm, samstundis við at fólk mangla bústaðir. Og bústaðartrupulleikin er eisini stórur í Klaksvíkar kommunu. 

Sambært Dennisi Holm og Jógvani Skorheim, eru fleiri, sum vilja búðseta seg í kommununum báðum. Men tað er lættari sagt enn gjørt. 

Tí tað er trupult at fáa okkurt at búgva í, siga teir. Og orsøkirnar til tess eru fleiri.

Ein av orsøkunum er, at fleiri heldur vilja leiga sín bústað út til útlendingar gjøgnum Airbnb enn til føroyingar, ið hava tørv á einum bústaði. 

Ein annar trupulleiki er, at kommunurnar ikki hava møguleika at byggja leiguíbúðir til stóra tørvin. Kommunurnar hava bert heimild til at stykkja út, men tað er ofta ov dýrt, sigur Jógvan Skorheim. 

Men loysnin upp á trupulleikan er einføld: Kommunurnar skulu hava heimildir til at byggja fleiri leigubústaðir. Tað halda borgarstjórarnir í Vági og Klaksvík. 

Dennis Holm leggur afturat, at tað er umráðandi, at kommunurnar fáa fleiri heimildir skjótt, tí bústaðartrupulleikin er vaksandi. 

 
Nýggjastu sendingar í ÚV
Hósdag 20. februar
Áðrenn Elvis 19 februar 2020
105041
Mikudag 19. februar
Breddin
105036
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880