Innflutt fyri 3,6 milliardir í ár

Sambært Hagstovuni er tað oljuprísurin, sum ger, at vit hava brúkt ein triðing meira upp á brennievni í ár. Men nøgdin vaks tó eisini.

Innflutningurin av akførum er minkaður samanborið við fyrra hálvár í fjør.

Føroyingar brúka tó framvegis nógv upp á bilar, 250 milliónir krónur fyrra hálvár í ár.

Tað var bara í fjør, at vit innfluttu akfør fyri meir enn tað, tá var talið 25 milliónir størri fyrra hálvárið.

Til beinleiðis brúk í húsarhaldinum er vøksturin fýra prosent. 

Tilfar til byggivinnuna er vaksið nógv í innflutningstølunum, 40 prosent í ár. 

Frammanundan var vøksturin stórur í hesum bólkinum, og ongantíð áður hevur verið innflutt so nógv tilfar til byggivinnuna.

Talið er 420 milliónir krónur fyrra hálvár í ár, tað var 300 milliónir fyrra hálvár í fjør.