USA vil ikki samstarva við Altjóða Revsirættin

BBC skrivar, at Altjóða Revsirætturin í løtuni umhugsar at rættarsøkja amerikansk herfólk, sum eru skuldsett fyri misnýtslu av fangum í Afghanistan.

Trygdarráðgevin hjá amerikansku stjórnini, John Bolton sigur, at dómstólurin er ólógligur, og hann leggur eina við, at USA fer at gera alt fyri at "verja sínar borgarar".

John Bolton segði millum annað í røðu í Washington í gjár, at USA ikki fer at samstarva við ICC, og at USA sanniliga heldur ikki fer at melda seg inn undir skipanina við ICC.

- Vit fara at lata ICC doyggja av sær sjálvum. Fyri okkum er altjóða brotsmannadómstólurin longu deyður, segði Bolton í røðuni.

123 av heimsins londum eru partur av Altjóða Revsirættinum. USA er ikki millum teirra.