Frans pávi kallar saman

Á fundinum skulu biskupparnir og pávin kjakast um, hvussu børn kunnu verjast móti kynsligum ágangi í katólsku kirkjuni. Tað upplýsir talskvinnan í Vatikaninum. 

Boðini um fundin komu sama dag, sum tveir týskir fjølmiðlar skrivaðu, at ein frágreiðing frá katólsku kirkjuni í Týsklandi hevur staðfest fleiri túsund tilburðir av kynsligum ágangi síðani 1946. 

Týskland er seinasta landið í røðini, har umfatandi kynslig misnýtlsa av børnum í katólsku kirkjuni eru avdúkað.

Frágreiðingar frá USA, Kili og Avstralia hava avdúka misnýtsluna.

Í amerikanska deilstatinum, Pennsylvania, hevur ljóðað, at meira enn 300 prestar hava kynsliga misbrúkt børn, men at hetta hevur katólska kirkjan í USA á skipaðan hátt kávað út yvir, skrivar Ritzau.