Vita ikki, hvar 2.835 flóttafólk eru

Tað sigur Radio24/7, sum hevur fingið nýggj tøl frá løgregluni.

Ríkisløgreglan gongur út frá, at meginparturin av eftirlýstu persónunum eru annaðhvørt flýddir ella farnir heimaftur. 

Seinastu trý árini hava 2.835 asyl-umsøkjarar fingið noktandi svar.

Trine Bramsen, er fólkatingslimur fyri danska javnaðarflokkin.

Hon sigur, at sannlíkindi er fyri, at nakrir asylumsøkjarar arbeiða svart og undirgrava arbeiðsmarknaðin, og í ringasta føri eru teir møguligir yvirgangsmenn, sigur Trine Bramsen við radio 24/7, og sipar til, at ein asyl-umsøkjari, sum hevði fingið noktandi svar í apríl 2017 drap fimm persónar í Stokkholm, eftir at hann átti av verið farin úr Svøríki.

Trine Bramsen fer at heita á Inger Støjberg, ráðharra í tilflytaramálum, um at koma við eini frágreiðing.