Luna fer skjótt at byggja landstøð

Bygningurin verður 400 fermetrar. 

Størri parturin verður goymsla til útgerð, sum alifyritøkan brúkar.

Hitt verða umstøður hjá starvsfólki. Har verða millum annað umstøður til at skifta, áðrenn farið verður út á aliøkið.

Atli Gregersen, stjóri í Luna, sigur, at hann veit ikki, nær byggingin byrjar, men tað verður sum skjótast, sigur hann.

Hann sigur, at umstøðurnar í Miðvági eru ikki nóg góðar sum er. 

Luna leigar høli í Miðvági, men ætlar nú at byggja sítt egna.