Bandið keypt Mimir

Bandið hjá Martini Hansen og øðrum keypti húsið hjá Mimi í Havn fyri tvær milliónir krónur.

Mimir, sum Taks hevur kravt á húsagang, tí felagið skyldaði meirvirðisgjald, er til viðgerðar í Skiftirættinum.

Á fundi í Skiftirættinum fríggjadagin varð upplýst, at trotabúgvið hevur selt húsið á horninum Varðagøta/Sjúrðargøta fyri tvær milliónir krónur.

Stykkið er bara 173 fermetrar.

BankNordik, sum hevði veð í húsinum, hevur fingið allar sínar pengar, og hevur tí tikið krav sítt móti trotabúnum aftur.

Pengar leypa enntá av frá søluni, og teir fara í trotabúgvið.