Heildarkvotan fyri tosk í Barentshavinum minkað

Heildarkvotan fyri tosk í Barentshavinum er nú ásett at verða 725.000 tons 2019. Tað eru Norra og Russland komin ásamt um í samráðingum.

Tað er ein lækking upp á 50.000 tons í mun til árið í ár, tá toskakvotan varð ásett at verða 775.000 tons.

ICES hevði annars mælt til eina lækking á 100.000 tons, og at toskakvotan ikki skuldi verða hægri enn 675.000 tons.

Heildarkvotan fyri hýsuna varð ásett at verða 172.000 tons fyri 2019. Tað er eisini ein lækking á 30.000 tons í mun til árið í ár, tá kvotan var 202.000 tons.

ICES mælti eisini til at hýsukvotan lækkaði meir - tilmælið frá ICES var, at hýsukvotan skuldi verða 150.000 tons.