Eingin bilførari skrivaður

Fólk, sum koyra bil, brúka ikki hendurnar til fartelefonina. Ikki, meðan politiið sær í hvussu so er.

Politiið gjørdi í gjár kanningar á vegunum ymsa staðni í Streymoynni. Serligur dentur varð lagdur á fartelefonir og trygdarbelti.

Nógvir bilar vórðu steðgaðir, men eingin bilførari varð skrivaður.

Annars var vikuskiftið vanligt, nógv full fólk vóru, bæði í Havn og í Klaksvík.

Húsaófriður varð eisini fráboðaður. Fyri at fáa frið, varð maðurin tikin og fluttur í kliva í Klaksvík.