18 nýggjar íbúðir á Toftum

18 íbúðir skulu nú byggjast á Toftum, væntandi bæði almennar leiguíbúðir og lutaíbúðir.

Bústaðir og Byggivirkið KBH hava undirskrivað eina partalagsavtalu um at byggja tær 18 íbúðirnar á Kneysum, beint omanfyri havnarlagið á Toftum. 

Bygd verða tvey íbúðarhús. Annað við átta eins íbúðum og hitt við 10 íbúðum. 

Eftir ætlan verður tann sunnari bygningurin, sum hevur átta eins íbúðir, skipaður sum lutaíbúðir. 

Skipanin við lutaíbúðum er rættuliga óroynd í einum føroyskum høpi, og Bústaðir sigur, at nágreinilig lýsing av lutaíbúðunum kemur seinni.

Eftir ætlan verður klárt at flyta inn í fyrstu íbúðirnar í Nes kommunu á heystið 2020, sigur Bústaðir.