Vil ikki samráðast við danskt felag um flogternur

Flogternurnar hjá Atlantic Airways hava ongan sáttmála í løtuni.

Sáttmálin fór úr gildi 1.november, men arbeitt verður framvegis eftir honum.

Ongar samráðingar eru í løtuni um nýggjan sáttmála.

Flogternurnar fóru upp í Starvsmannafelagið fyrst i 2016. 

Men í september í ár fóru úr tær Starvsmannafelagnum aftur og í danska felagið FPU, Flyvebranchens Personale Union.

FPU hevur biðið Føroya arbeiðsgevarafelag um samráðingar um nýggjan sáttmála. 

Men svarið haðani er, at Føroya arbeiðsgevarafelag hevur ikki samráðingar við donsk fakfeløg.

Og har er málið nú. Næsta stigið hjá FPU er ikki tikið enn.