Viðgera eykajáttanaruppskotið í dag

Fíggjarnevndin hevði annars skrivað álit, og málið var til aðru og triðju viðgerð í Løgtinginum mikudagin.

Málið varð samtykt við aðru viðgerð, men við triðju viðgerð varð samtykt at beina málið aftur í fíggjarnevndina.

Formaðurin í fíggjarnevndini, Bárður á Steig Nielsen, segði við Dag og viku í gjár, at fíggjarnevndin nú fer í gongd við at viðgera møguleikarnar. 

Sambært formanninum er ein møguleiki at halda fast og einans játta pengar til tað arbeiðið, sum manglar. Ein annar møguleiki er at gera eina nýggja verklagslóg, har tað samstundis verður staðfest, júst hvat pengarnir skulu brúkast til:

Landsstýriskvinnan ongar viðmerkingar

Rigmor Dam, landsstýriskvinna í Fíggjarmálum, er biðin um at koma á fund við fíggjarnevndina.

Rigmor Dam vil ikki gera viðmerkingar um málið fyrrenn frágreiðingin frá Samferðslumálaráðnum er klár mikudagin.

Rigmor Dam tók ongantíð orðið í løgtinginum, tá málið var til aðru og triðju viðgerð.

Fundurin hjá fíggjarnevndini byrjaði klokkan 9 í dag.