Føroyingar liva alsamt longri

16.12.2018 - 11:36
AktueltHeilsa
Føroyingar liva alsamt longri
Føroyingar liva útivið sjey ár longri enn teir gjørdu fyri 30 árum síðan. Serliga menninir liva longri nú
Ein føroyskur maður gerst í miðal 80,4 ára gamal, ein kvinna í miðal 84,5 ára gomul. Landslæknin hevur júst givið út nýggjastu ársfrágreiðingina
 

Kvinnur og menn í Føroyum gerast alsamt eldri og eldri. Tað vísir árliga frágreiðingin hjá landslæknanum, Heilsulýsing landslæknans fyri 2017, ið júst er útkomin.

Sí øll tølini niðanfyri

Hóast bæði kvinnur og menn nú liva longri enn tey gjørdu fyri 30 árum síðani, so eru tað serliga menninir í Føroyum, ið nú liva longri enn teir gjørdu fyri 30 árum síðan.

Í 1987 var lívsævin hjá monnum í Føroyum 72,1 ár, í 2017 var lívsævin hjá føroyskum monnum 80,4 ár. Sostatt liva føroyskir menn nú 8,3 ár longri enn í 1987.

Í 1987 var lívsævin hjá kvinnum í Føroyum 78,8 ár, í 2017 var lívsævin hjá føroyskum kvinnum 84,5 ár. Sostatt liva føroyskar kvinnur nú 5,5 ár longri enn í 1987.

Kelda: Heilsulýsing landslæknans 2017

Í 1987 gjørdust føroyingar (bæði kynini) í miðal 75,5 ára gamlir, í 2017 var tað talið hækkað upp í 82,2 ár. Sostatt liva føroyingar nú í miðal útivið sjey ár longri enn fyri 30 árum síðan, vísa nýggjastu tølini hjá landslæknanum.

Heilsulýsing landslæknans kemur út á hvørjum ári stutt fyri jól. Í frágreiðingini, sum í ár er 59 síður til longdar, verður heilsustøðan hjá føroyingum lýst, fyri tað mesta við greinaðum hagtølum.

Er kopiera
Nýggjastu sendingar í ÚV
Mikudag 1. desember
NiviNaja 1. partur
33485
Týsdag 30. november
Tauren Wells - LIVE
132084
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925