Minstulønir og minstiforvinningur hækka

Frá 1. januar skal eftirlønargjald rindast av minstulønum til fiskimenn, og tað er ein orsøk til at minstulønir hækka við 50 krónum um dagin og minstiforvinningur hækkar 1000 krónur um mánaðin 1. januar í 2019.

Tað sigur Magni á Deild Olsen, stjóri í Trygdargrunninum, sum umsitur minstulønir og minstaforvinning.

Stýrið í Trygdargrunninum hevur heitt á landsstýrismannin um at hækka útgjaldingarnar, so tær viga upp ímóti tí, sum frá 1. januar í 2019 fer av útgjaldinum til eftirløn.

Síðani 2011 hevur minstalønin hjá fiskimonnum og minstiforvinningurin til útróðrarmenn verið goldin úr Trygdargrunninum.

126 milliónir krónur standa í Trygdargrunninum, sum fær sínar inntøkur frá avreiðingargjaldinum hjá føroyskum fiskiskiførum.

Samlaðu inntøkurnar í grunninum vóru í 2018 góðar 16,2 milliónir krónur og góðar 11,3 milliónir vórður úgoldnar til minstulønir og minstaforvinning í 2018.