Kæran vann ikki frama, útstykkja nú á Skála

Ein kæra hevur seinkað ætlanini hjá býráðnum í Runavík at gera 18 grundstykki á Skála.

Men kæran, sum var um fornminni á staðnum, vann ikki frama.

Nú verður so ætlanin gjørd um 18 grundstykki suður frá verandi búseting á Hórheiðum á Skála. 

Kommunan eigur jørðina, sum verður stykkjað út.

Runavíkar kommuna sigur, at væntandi verður neyvætlanin, sum fyritøkan Formo á Glyvrum ger, liðug seinnapartin í apríl, og tá verður arbeiðið at stykkja út boðið út.