Sáttmáli 15 mánaðir aftur í tíðina

Bioanalytikarafelagið og Fíggjarmálaráðið hava gjørt ein trý ára sáttmála, sum er galdandi til 1.oktober 2020.

Sambært sáttmálanum, sum er galdandi frá 1.oktober 2017, hækkaði lønin tann dagin 0,90 prosent, 1.oktober í fjør hækkaði lønin 0,50 prosent og 1.oktober í ár hækkar mánaðarlønin 0,30 prosent.

Harafturat eru broytingar í sáttmálnum, sum gera, at endalønin hjá bioanalytikarum hækkar øll trý árini.

Ásetingar um barnsburð eru broyttar eins og í øðrum sáttmálum, sum eru gjørdar hetta skeiðið. 

Hetta merkir, at kvinnur í Bioanalytikarafelagnum hava rætt til 24 vikur við løn eftir barnsburð.