Eini maðurin skuldsettur fyri harðskap

Ein maður er skuldsettur fyri harðskap eftir ein bardaga í Vágsbotni í Havn stutt fyri klokkan trý í nátt.

Sambært vakthavandi á politistøðini verður ein maður afturat møguliga skuldsettur, somuleiðis fyri harðskap.

Fleiri ungir mans komu til ilnar í Vágsbotni í Havn í nátt. 

Tveir mans fingu skaða - men tó ikki varandi mein, upplýsir vakthavandi.

Løgreglan er enn ikki liðug at kanna málið og gera neyðugu avhoyringarnar.

Hóast ein maður er skuldsettur, er hann tó ikki varðhaldsfongslaður.

Menninir í hesum harskapsmáli vóru millum 20 og 30 ára gamlir.