B36 hevur fingið nýggjan formann

B36 hevur í kvøld havt aðalfund, har Jákup Mørk bleiv valdur sum formaður.

Hetta er fyrstu ferð, at Jákup Mørk er formaður í felagnum, sum hann sjálvur hevur umboðað sum spælari.

Hann tekur við eftir Rúna Herup Olsen, sum hevur verið formaður í B36 í trý ár.

Nevndarval var eisini á skránni.

Fyri vali stóðu Jákup Lamhauge, Símun Grønadal, Jóannes Guttesen og Rúni Herup Olsen.

Jákup og Símun tóku við afturvali, og afturat teimum vórðu Jákup Mørk og Steinbjørn Hardlei valdir í nevndina.

Nýggjur formaður er Jákup Mørk. Sámal Ímundarson heldur fram sum næstformaður, og Rolf Herup Olsen heldur somuleiðis fram sum kassameistari.

Hini í nevndini eru Anja Weyhe, Símun Grønadal, Steinbjørn Hardlei, Jákup Lamhauge og Heini Hellisdal Poulsen, sum er umboðið hjá ungdómsnevndini.