- Tíðindi, mentan og ítróttur
Aleqa Hammond stillar uppaftur
Aleqa Hammond stillar uppaftur
Grønlendska fólkatingskvinnan, Aleqa Hammond, stillar uppaftur til fólkatingsvalið, sum verður í seinasta lagi í summar
28.01.2019 - 12:20
Aleqa Hammond ætlar at stilla uppaftur til komandi fólkatingsvalið, og hesa ferð umboðar hon flokkin Nunatta Qitornai í fólkatinginum. Tað skrivar Sermitsiaq.
Flokkurin vil ikki siga, um eitt umboð hjá teimum fer at styðja bláa ella reyða veingin í fólkatinginum. Tað veldst um viljan at samstarva og at eftirlíka ynski og krøv, verður sagt.
Aleqa Hammond hevur eisini sæti í grønlendska landstinginum, og hon ætlar at varðveita sessin í landstinginum, um hon verður vald í fólkatingið, sigur Nunatta Qitornai.
Fyrst í hesum valskeiðnum hevði stjórnarflokkurin Vinstri formanssessin í grønlandsnevndini í fólkatinginum.
Men Aleqa Hammond fekk formanssessin, tá hon lovaði ikki at fella stjórnina.
Nýggjastu sendingar í ÚV
Nýggjastu sendingar í SV