Limir í Búskaparráðnum skulu hava arbeiðsroyndir

Kristina Háfoss, landsstýriskvinna, hevur lagt uppskot fyri tingið um at broyta lógina um Búskaparráðið. 

Sambært uppskotinum, so skulu limirnir í Búskaparráðnum vera búskaparfrøðingar, og útbúgving teirra skal í minsta lagi vera á masterstigi. Limirnir skulu hava viðkomandi arbeiðsroyndir sum búskaparfrøðingar.

Í viðmerkingum sigur landsstýriskvinnan, at samansetingin av ráðnum til tíðir hevur verið soleiðis, at fólk við drúgvum arbeiðsroyndum hava verið undirumboðað í ráðnum. 

Sverri Hansen segði seg í oktober í fjør frá sum formann í Búskaparráðnum. Grundgevingin hjá honum var, at hann var misnøgdur við samansetingina av Búskaparráðnum.